തലക്കെട്ടു കണ്ട് ഞെട്ടണ്ട, കൊങ്ങം ബെളളം എന്നാല്‍ വെളളപ്പൊക്കം എന്നത്രെ. ഞങ്ങളുടെ നാട്ടിലെ നാടന്‍ ഭാഷാശൈലിയാണ് കൊങ്ങംബെളളം എന്ന്. ഇത് എങ്ങിനെ വന്നു എപ്പോള്‍ വന്നു എന്നൊക്കെയറിയാന്‍ ഭാഷാ പണ്ഠിതരെ സമീപിക്കുമല്ലോ. മഴക്കാലങ്ങളില്‍ തുടര്‍ച്ചയായി മൂന്നാലു ദിവസം മഴപെയ്താല്‍ ചേന്ദമംഗല്ലൂരെന്ന കൊച്ചു ഗ്രാമം വെളളത്തിനടിയിലാവും. ചേന്ദമംഗല്ലൂര്‍ അങ്ങാടിക്കടുത്തുളള പുല്‍പറന്പ് എന്ന പ്രദേശം ഇരുവഴിഞ്ഞിപ്പുഴയുടെ വിതാനത്തിന് താഴെയാണ് സ്ഥിതിചെയ്യുന്നത്. ഇടക്കിടെ വെളളം കയറുന്ന ഈ പ്രദേശത്ത് യാത്രാദുരിതം കീറാമുട്ടിയായതിനാല്‍ ഏറെനാളത്തെ മുറവിളിക്കുശേഷം ഇത്തവണ റോഡ് അല്‍പം ഉയര്‍ത്തി. പക്ഷേ, കൊങ്ങംബെളളം റോഡിനേക്കാളും ഉയര്‍ന്നു. അതങ്ങനെയാണ് ഇതിനുമുന്പും റോഡ് ഉയര്‍ത്തിയപ്പോഴും വെളളം അതിനനുസരിച്ച് ഉയരാറുണ്ട്. യാത്രാക്ളേശവും അല്ലറചില്ലറ ബുദ്ധിമുട്ടുണ്ടാവുമെങ്കിലും നാട്ടുകാര്‍ ആരും കൊങ്ങംബെളളത്തെ ശപിക്കാറില്ല.
കൂടുതല്‍ കൊങ്ങംബെളള വിശേഷങ്ങളുമായി വീണ്ടും കാണാം.... കാണണം.
No comments:
Post a Comment
ഏതായാലും വന്നു.ഒരു 'ഇഷ്ടിക'യിട്ടിട്ടു പോകൂ...